"AB TUM MAT AANA"💔

 Wo raat fir aayi hai

Fir se Khirki se barish ki boonde takrayi h

Fir se chai ki wo sondi sondi khushboo aayi h

Fir se wo samne wale paharo pe haryali chhayi h

Par yaadein jitni bhi aaye tum mat aana.

Fir se bijli gayi , or fir se mombatti me tera chehra jagmagaya h

Fir se wo office wali bus chhuti h

Fir se wo cab ki sawari aayi h

Fir se chowk pe momos wale ne discount lagaya h

Par yaadein jitni bhi aaye tum mat aana

Wo fir se maine pav bhaji thodi jyada tikhi banayi h

Fir se usme Maine makkhhan ke bajay diet wala oil milaya 

Fir se wo foolo wala darwaje pe aaya h

'Madam k liye taaze gulaab hain", 

 "paise agli dafa lunga bolke laut gaya h".

 Wo tumhari gali ke romeos ne fir se gusse se dekha h

 Fir se unhe laga h ki unki mohabbat pe mera kabja h

 Fir se meri cctv aunty ne chhup ke mujhpe nazreein daurayi hain

 Fir se tumhari di hui bottle mein pani jyada meethi laagi hai

 Tumhari di hui ghari me waqt aaj bhi thehra h

 Shayad dil chahta h waqt wahin thehra rahe 

 Par yadeein jitni bhi aaye dekho tum mat aana

 Wo meri bike fir se aaj tere college ke samne kharab hui

 Fir se meri bike ne teri jhhalak ki raah dekhi

 Us gateman ne fir se aaj meri bike ka haal puchha 

 Or fir se tumhe bina dekhe main aage badh gya

 Bistar ki sirvato me aaj bhi teri khushboo simti h

 Wo mere kanghe me teri julfe aaj bhi uljhi hain

 Chahta to nikal deta par yaadein to anmol hain

 Par yadeein jitni bhi aaye ab tum mat aana

Laut ke mat aana.

                                          ✍️ROHIT RAJ✍️