"WO FIR AAYI"

 Kai saalo bad wo fir aayi.           💔💔💔💔

Aankho ne pehchana 

Dimag ne kaha jagah mat Dena

Bilkul mat dena

Yad h jab gayi thi

Or tune rateein goliyon ke sahare bitayi thi

Tu kitna roya tha, tu kitna roya tha

 or maa ke puchhne pe

Takiye pe chai gir gayi kaha tha

Fir Dil ne kaha nadaan thi 

Chal ek or mauka dete Hain

Pehli dafa mukkammal na hua to Kya hua

Dusri dafa fir koshish karte Hain

To bas Kal subah fir wo, uske khule baal or wahi uski scooty

Or m pichhe ek Bache ki tarah baitha

Na usne kuch kaha , na Maine 

Hamari khamoshiyon ne fir se bateein ki

Or uski julfo ne hawaon se.

Seher badla badla sa tha

Saal bhi to badla tha

Nahi badli thi to bas uski wo adhe Chand ki muskan

Fir se wo chai ka tapri, fir se wahi big Bazaar ki sidhiya

yaadein to taaza Hui par dard bhi taaza ho gye.

Aisa laga wo chai fir se meethi ho gyi

Wo sadke fir se muskurane lagi

Fir se, fir se wo golgappe wale bhaiya ki smile jinhe lagta tha hum to sath k liye bane hain.

Fir se use dekhne k liye kuch pal churana

Or fir se uska puchhna - "Kya kuch kehna chahte ho"?

Kehne ko tha to bahut kuch par fir Socha kahin uski "so called alignment" me fit ni aaya to

Fir kuch nahi bolke fir se khamosh reh gya

Din bite mahine bite or fir wahi nasamjhi, 

Fir wahi naadani

Maine kuch or kaha or usne kuch or samjh liya

Or uske wo bhari bharkam shabd to aise hi kabhi mujhe samjh ni aaye

Wo to bas uski aankhein padhke hi samay kat jata tha

Fir galatfehmiyo ka daur aisa Chala or usne fir keh Diya

Hum ek dusre k liye nahin bane, tumhe mujhse behtar mil jaygi

Ab use Kon samjhaye Maine behtar ka intezar ni Kiya,

Maine intezar to uska Kiya tha 

Uski nadaniyo ka Kiya tha

Uski khamoshiyon ka Kiya tha

Khair wo fir chali gayi

Sayad kabhi na aane ko

Or main fir reh gya uska intezar Karne ko.